Նորությունների արխիվ
Նորություններ : 2009 - 2010 : Եւս մեկ քայլ առաջ...
Եվս մեկ փուլ հաղթահարվեց բանավեճի
ակումբների կողմից: Ավարտվեցին 2009-2010 ուս. տարվա միջդպրոցական
բանավեճերը: Շնորհավորում ենք բոլոր ակումբականներին,
ովքեր իրենց նույնսիկ փոքրիկ ներդրումով մասնակցեցին միջդպրոցական
մրցափուլին և հետաքրքիր բանավեճեր պարգևեցին առաջին հերթին իրենց, հետո
նաև իրենց ուսուցիչներին և իհարկե “YES” ծրագրի անձնակազմին: Այս
բանավեճերը ևս լի էին նոր թեմաներով, գիտելիքներով, ծանոթություններով,
ինչպես նաև հուզումներով: Կայացան բազմաթիվ հետաքրքիր բանավեճեր, հագեցած
փաստարկներով, վերլուծությամբ,
որոնք իհարկե ոգեշնչում և մեկ անգամ ևս փաստում են ծրագրի հաջող ընթացքի
մասին: Բոլոր
ակումբները
ստացան իրենց բնորոշ անվանակարգերով պատվոգրեր: Անվանակարգերը բազմաթիվ
էին. յուրաքանչյուր ակումբ աչքի էր ընկնում
իր ուրույնությամբ և հենց այդ առանձնահատկություններն
էլ հաշվի են առնվել և տեղ գտել ակումբներին տրված «Ամենաքաղաքավարի
թիմ», «Ամենաանկանխատեսելի
թիմ», «Ամենամեծ
առաջընթաց
ունեցած ակումբ», «Ամենաճկուն և տրամաբանող թիմ», անվանակարգերով
պատվոգրերում:
Ակումբներին
շնորհվեցին
նաև նվերներ՝ ծրագրին աջակցող կազմակերպությունների
կողմից տրամադրված գրականություն, որը տարեց տարի հարստացնում է բանավեճի
ակումբների գրադարանները և նպաստում է հետագա բանավեճերի նախապատրաստական
աշխատանքների
արդյունավետ
կազմակերպմանը:
Յուրաքանչյուր
քաղաքում առավելագույն միավորներ հավաքած ներքոնշյալ ակումբներին շնորհվեց
«Լավագույն թիմ» անվանակարգը:
| Դպրոց | Միավոր | |
| Երեւան | #78 | 148 | |
| Գյումրի | #2, #6 | 144 | |
| Վանաձոր | #6 | 150 | |
| Հրազդան | #1 | 144 | |
| Աբովյան | #8 | 153 | |
| Էջմիածին | #3 | 138 | |
| Արմավիր 1 | Մեծամորի #1 | 150 | |
| Արմավիր 2 | Դալարիկի | 147 | |
| Սեւան | #6 | 142 | |
| Գավառ | #3 | 133 | |
| Աշտարակ | Օշականի | 138 | |
| Մասիս | #2 | 146 | |
| Արտաշատ | #5 | 132 |
Այսպիսով, մենք առաջ ենք շարժվում դեպի
Հանրապետական մրցաշար, որն էլ կամփոփի 2009-2010 թվականների բանավեճի
ակումբների գործունեությունը:
Սակայն մինչ Հանրապետական մրցաշարն ակումբները պետք է լրջորեն պատրաստվեն
մրցաշարի բանավեճի առաջարկված չորս թեմաներին և բանավիճեն առաջարկված
չորս թեմաներից որևէ մեկի շուրջ:
“YES”-ի անձնակազմը հաջողություն է մաղթում բոլոր ակումբականներին…
Ծրագիրն իրականացվում և ֆինանսավորվում է`
