Նորություններ : 2010 - 2011 : Նոր ուսումնական տարի

        Շուրջ 6 տարի շարունակ նոր ուսումնական տարվա սկիզբը դպրոցներում զուգորդվում է բանավեճի ակումբների հավաքագրման գործընթացով: Կազմվել են բանավեճի ակումբներում անդամագրվելու հայտարարությունները, 12 քաղաքի 105 դպրոցների ղեկավարների հետ անցկացվել են հանդիպումներ, որոնք եւ հանդիսացան  “YES” ծրագրի մեկնարկը 2010-2011 ուս. տարում:

  Հոկտեմբեր ամսին կանցկացվեն առաջին գործնական պարապմունքները հետեւյալ թեմաների շուրջ՝

1. ՀՀ-ում ԶԼՄ-ներն ազատ են:
2. ՀՀ-ում բնակվող հայ քաղաքացիները պետք է միջնակարգ կրթություն ստանան հայերենով:
3. ՀՀ պետական մարմիններն իրենց որոշումների կայացման մեջ առաջնորդվում են հանրային կարծիքով:
4. ՀՀ-ում չծխողների իրավունքները պաշտպանված են:
5. Ընդունելության քննությունների ներկայիս համակարգը նվազեցնում է կոռուպցիոն դրսեւորումները:
6. Դպրոցում գործող սննդի կետերը գործում են առողջապահության եւ սանիտարահիգիենիկ նորմերին համապատասխան:
7. Կամավորական աշխատանքը ՀՀ-ում խրախուսվում է:
8. Ներառական կրթությունը օժանդակում է կրթության առանձնահատուկ պայմանների կարիք ունեցող անձանց ինտեգրմանը հասարակության մեջ:
9. Հեռուստատեսությունը բացասաբար է ազդում դեռահասների արժեքային համակարգի ձեւավորման վրա:
10. Դպրոցում համազգեստ կրելը պարտադիր է:
11. Սոցիալական ցանցերը (facebook, odnoklassniki, twitter) օգտակար են երիտասարդների համար:
12. Հայերի հանգիստը Թուրքիայում արդարացված է:
13. Աշակերտների ներկայությունը ծնողական ժողովներին անհրաժեշտ է:
14. Մասնագիտության ընտրության հարցում ծնողների միջամտությունն անհրաժեշտ է:

Ավելացնենք, որ ակումբները սահմանափակված չեն նշված թեմաների շուրջ բանավեճեր անցկացնելով եւ կարող են ընտրել ակումբի անդամներին հետաքրքրող բանավեճի այլ թեմաներ:

         Այսպիսով, ազդարարում ենք նոր ուսումնական տարվա սկիզբը եւ պատրաստվում առաջին գործնական հանդիպումներին: